Besok Pagi 3000 Eksemplar Koran Garut Express Beredar di Seluruh Pelosok Garut

Assalamu’alaikuuum…, Sampurasuuun… Hatur uninga ka sadaya wargi pamaos, pelanggan SKU Garut Express dimana waé ayana. Dina mapag Milangkala Kabupaten Garut anu ka 203, SKU Garut Express Edisi 160, badé medal dinten Ahad, ping 14 Februari 2016.

Dina édisi ieu redaksi midangkeun ‘Head Line’ anu aya patalina sareng gugujrudan Daérah Otonomi Baru (DOB) Garut tebéh kidul téa anu ngahaneutan deui.

Koran badé diiderkeun tim distribusi GE ti dinten énjing kénéh. Insya Alloh, 3000 éksemplar langkung SKU Garut Express sumebar ti kawit wanci janari mula, supados wanci haneut moyan tos tiasa kaaos ku palawargi sadaya.

Sihapuntena anu kasuhun tamada anu diseja, bilih pamaos kawagel dina waktos ngaosna. Kaleresan dina édisi nu ieu mah rada euyeub ku iklan, babakuna mah iklan pangdeudeul HJG ka 203.

Salam baktos ti ais pangampih réngréngan redaksi SKU Garut Express. Cag !